O Concello de Ribeira decidiu suspender a celebración dos festexos de verán en cuxa organización participa directamente esta administración, tales como as festas de agosto, a feira mariñeira Artemar ou as festas patronais de Santa Uxía.
Esta decisión foi tomada esta mañá no marco da Comisión de Seguimento da Evolución do COVID-19, na que tamén se prohibiu a instalación de cacharelas en solo público municipal durante as próximas festas de San Xoán da noite do 22 de xuño.
Ademais, e coa fin de evitar a propagación de posibles contaxios, o Concello non autorizará durante o período estival ningún evento no que non estea plenamente garantido o control do aforo. Esta medida prohíbe as concentracións da Dorna e as festas populares de todas as parroquias.
María Sampedro presenta as IV Xornadas “Muller e Saúde”centradas na nutrición e o benestar feminino
O Concello de Ribeira organiza as IV Xornadas “Muller e Saúde”, que desta volta desenvolverase baixo o epígrafe Nutrición e saúde das mulleres. A iniciativa ten como obxectivo promover hábitos alimentarios beneficiosos para a saúde e achegar información e ferramentas...
