Este martes 30 de xuño vaise celebrar na parroquia de Lampón un novo encontro participativo e cidadán no concello de Boiro: unha nova xuntanza de diálogo e traballo abeirada á xira Un café co alcalde. Será ás 20.00 horas no Centro Social de Escarabote. Na cita, o rexedor boirense, José Ramón Romero,
A de Lampón será a última parroquia que se visite no marco desta primeira volta de encontros coa veciñanza que teñen como finalidade que os veciños e veciñas de cada parroquia poidan poñer de manifesto as necesidades conxuntas de cada núcleo. Con estes encontros búscase ter un contacto máis directo coa cidadanía e dar a oportunidade á veciñanza de que trasladen as súas peticións e demandas sen necesidade de desprazarse ao Concello.
Estas reunións son un complemento das xuntanzas que o alcalde de Boiro, José Ramón Romero, e demais membros do goberno manteñen semanalmente de xeito individual con veciños e entidades que así o solicitan.
