O Concello de Boiro finaliza na parroquia de Lampón a primeira volta dos encontros veciñais Un café co alcalde. A xuntanza terá lugar o vindeiro martes 30 de xuño ás 20.00 horas no Centro Social de Escarabote.
Lampón será a ultima das parroquias que se visite no marco desta primeira volta de encontros coa veciñanza que teñen como finalidade que os veciños e as veciñas de cada parroquia poidan poñer de manifesto as necesidades conxuntas de cada núcleo. Con estes encontros búscase ter un contacto máis directo coa cidadanía e dar a oportunidade á veciñanza de que trasladen as súas peticións de demandas sen necesidade de trasladarse ao Concello.
Estas reunións son un complemento das xuntanzas que o alcalde e demais membros do goberno manteñen semanalmente de xeito individual con veciños e entidades que así o solicitan.
