A xornada do domingo 21, primeiro día do verán, estará marcada pola influencia das altas presións, aínda que unha masa de aire moi cálido procedente de latitudes baixas e a presenza de aire frío en altura favorecerán certa inestabilidade atmosférica.
Comezaremos o día con brétemas costeiras e néboas en zonas do interior, que se irán disipando co paso das horas para deixar ceos maiormente despexados, con presenza de nubes medias e altas. Pola tarde medrarán nubes de evolución no interior, con posibilidade de chuvascos illados e localmente treboentos.
As temperaturas experimentarán un moderado ascenso, con valores que poderán superar os 34 graos Os ventos soprará, en xeral, frouxos de compoñente norte.
O noso mar: Vento do noroeste á mañá e á tarde e do norte á noite, forza 1 a 2 á mañá, 1 a 3 á tarde e 2 a 4 á noite. Mar rizado á mañá e mar ovellado á tarde e á noite. Visibilidade regular. Mar de fondo do noroeste, con ondas de 0 a 0.5 metros.
