A Asociación Ambar das Persoas con Diversidade Funcional estivo este luns 15 de xuño no Centro Recreativo de Artes de Ribeira impulsando unha xornada formativa sobre a importancia do solo pélvico. A actividade contou ca especialista María Martínez Paz e estivo dirixida a promover a saúde e o benestar das persoas no seu día a día.
O obxectivo principal deste encontro foi dotar ás persoas asistentes de ferramentas clave para conectar co seu propio corpo, aprender a escoitalo e previr doenzas comúns mediante hábitos saudables na súa rutina diaria.
A sesión formativa estivo impartida pola especialista María Martínez Paz, quen compartiu a súa experiencia profesional desde unha perspectiva próxima e accesíbel.
Desde a organización (a Asociación Ambar) trasladaron o seu máis sincero agradecemento, tanto á formadora polo seu labor divulgativo, como a todas as persoas que asistiron e participaron activamente no desenvolvemento da actividade.
Esta xornada formativa foi posíbel grazas ao apoio e financiamento institucional da Xunta de Galicia , a través da Consellería de Política Social e Igualdade , en conxunto cos Fondos Europeos da Unión Europea .
