Esta fin de semana (o sábado 14 de xuño e o domingo 15) vanse celebrar en Bacariza-Isorna as Festas da Bacariza, na honra do Santo Antón, que veñen cunha manchea de actividades culturais, de lecer e relixiosas. A troula comezará ás 8.30 horas do sábado coa gran tirada de bombas de palenque e logo haberá unha ruada coa banda de gaitas Buxaina de Taragoña. Ás 13.00 horas celebrarase unha misa solemne e ás 14.00 horas comezará unha sesión vermú no campo da festa con La Mecánica. Pola noite haberá verbena con Panorama City e La Mecánica.
O domingo as actividades comezarán ás 17.00 horas coa actuación da Banda de Música de Rianxo. Ás 17.30 celebrarase unha gran festa infantil no campo da festa.
