O Concello de Boiro abre o prazo de presentación de solicitude e comunicación das cacharelas en terreos públicos e privados que se realicen na noite de San Xoán 2026. As solicitudes deberanse realizar mediante o rexistro xeral ou sede electrónica ata o venres 19 de xuño.
Os espazos para realizar as cacharelas en espazos públicos están delimitadas e, para solicitalas, deberase confirmar previamente co departamento municipal de Medio Ambiente para poder tramitar a correspondente solicitude. Nos supostos de cacharelas particulares, as persoas interesadas deberán facer a correspondente comunicación previa e cumprir coas medidas de seguridade e preventivas esixidas.
As autorizacións unicamente permitirán as cacharelas a partir as 18.00 horas do día 23 de xuño, debendo quedar perfectamente apagadas antes das 6.00 horas do 24 de xuño. Como norma xeral deberase facer unha devasa para o perímetro que se vai queimar; non se poderá prender lume a menos de 15 metros de edificacións, instalacións ou árbores; non está permitida a queima de certo tipo de residuos; deberase contar coas medidas de prevención do lume; e o volume das cacharelas non poderá exceder os 2 metros de altura e 3 de diámetro.
Toda a información e modelos de solicitude están dispoñíbeis na web municipal.
