O Pleno da Deputación da Coruña aprobou a semana pasada o plan provincial de cooperación ás obras e servizos de competencia municipal (Plan Único de Concellos) POS+ 2026.
Coa súa aprobación os nosos municipios obterán fondos para levar a cabo proxectos de relevancia, moitos deles centrados nas parroquias e na mellora dos servizos para a veciñanza. No caso de Rianxo, o Concello contará co financiamento necesario para desenvolver dúas importantes actuacións no municipio:
-Ampliación da rede municipal de abastecemento de auga dende Ourolo ata a Burata, na parroquia de Taragoña, a través da AC-305 – 181.427,40 €
-Ampliación da rede municipal de abastecemento de auga dende Pousada ata Os Xens, na parroquia de Araño, a través da AC-305 – 185.747,10€.
“Estas dúas obras aumentarán de xeito notábel a porcentaxe de cobertura de rede municipal de abastecemento de auga, particularmente en zonas nas que nos último veráns se veñen rexistrando episodios de falta de auga nas traídas veciñais”, explicou o alcalde Julián Bustelo.
