O grupo municipal de Compromiso Outes denunciou hoxe a “parálise total” do goberno local, que, segundo a formación, manteñen conxelados varios proxectos estruturais aprobados e financiados durante a anterior lexislatura.
A voceira Alba Quintela Vilariño sinalou que herdaron un concello con débeda cero e máis de 2 millóns en proxectos, pero que agora “hai un caixón cheo de proxectos esquecidos”. Entre os proxectos paralizados figuran a renovación do saneamento e abastecemento na Avenida de Fisterra (124.493,66 €), a pavimentación de accesos no Porto do Freixo (27.624,53 €), o acondicionamento da planta superior do colexio vello do Cruceiro de Roo (129.473,62 €) e diversas melloras en núcleos rurais que superan os 200.000 €.
Compromiso pide explicacións, que se aceleren os trámites e que o goberno informe ás parroquias. Ao peche non había resposta oficial do Concello.
