Este domingo 12 de abril pola mañá celebrarase a segunda edición do duatlón (carreira e bicicleta) escolar do Concello de Outes.
Con motivo do desenvolvemento da proba, as zonas da Piscina Municipal e praza do Bosque estarán pechadas ao tráfico dende as 9:00 ata as 14:00 horas.
No mapa incluído máis abaixo pódense consultar as rúas afectadas.
Organizan a Escola de Piragüismo e Triatlón de Outes e a Federación Galega de Triatlón e Pentatlón Moderno. Colabra a Secretaría Xeral para o Deporte, o Concello de Outes e Protección Civil de Outes.
Trátase dunha proba non competitiva. Poderán participar deportistas con 6 anos cumpridos, nados en 2019 e 2020, categoría prebenxamín (feminina, masculina) con licenza federativa en vigor na tempada 2026 ou que tramiten a licencia temporal de 1 día na FEGATRI .
Entregarase un agasallo a cada participante.
