A xornada do luns de Pascua, estará marcada pola aproximación de baixas presións atlánticas, que introducirán aire frío en altura e favorecerán un incremento da inestabilidade atmosférica.
Durante a mañá, os ceos presentaranse bastante abertos, con presenza de nubes medias e altas. Co avance das horas, medrarán as nubes de evolución, que poderán deixar chuvascos localmente treboentos nas últimas horas da tarde, especialmente no interior e no oeste da comunidade.
No apartado térmico, as temperaturas experimentarán un ascenso entre lixeiro e moderado, máis acusado na metade norte, situándose en valores elevados para esta época do ano.
En canto ao vento, soprará de compoñente sur con intensidade moderada, con intervalos fortes durante a tarde na fachada atlántica.
O noso mar: vento do sueste á mañá, do sur á tarde e do sur á noite, forza 3 a 4 á mañá, 5 a 7 á tarde e 4 a 6 á noite. Marusía á mañá e forte marusía á tarde e á noite. Visibilidade boa á mañá e regular á tarde e á noite. Mar de fondo do noroeste, con ondas de 2 a 2.5 metros á mañá, 1.5 a 2 metros á tarde e 1.5 a 2.5 metros á noite.
