A Xunta de Galicia realizou esta semana un novo envío de material de protección fronte á COVID-19 con destino aos concellos galegos. No caso concreto dos concellos da comarca do Barbanza a partida inclúe 4.300 máscaras, 2.400 luvas, 145 traxes antisalpicaduras e 41 pantallas faciais. En total, enviouse aos concellos da área do Barbanza 6.886 unidades de
protección esta semana.
Ata o de agora, o Goberno galego leva entregados aos municipios da comarca do Barbanza en conxunto, 64.700 unidades de material de protección desde o inicio da crise sanitaria para os servizos municipais que presta. En total foron 36.950 máscaras, 26.550 luvas e 1.201 traxes, enviados en doce entregas desde o inicio da crise do coronavirus.
Un material que, segundo a información facilitada polas propias cidades e concellos está sendo destinado a está sendo destinado para o seu uso, principalmente, no Servizo de Axuda no Fogar, e servizos básicos de Protección Civil, Policía Local ou transporte público.
Entre as partidas enviadas inclúense asemade botes de xel hidroalcohólico, garrafas de desinfectante e unidades de lixivia.
Os criterios de reparto están consensuados coa Federación Galega de Municipios e Provincias (FEGAMP) e realízanse en base a criterios obxectivos tendo en conta a poboación, o número de casos positivos, o número de efectivos de Policía, o número de voluntarios de Protección Civil, e o número de horas do servizo de axuda no fogar.
Con esta medida, Goberno galego pretende dotar do equipamento necesario ás entidades locais para que o persoal dos servizos municipais involucrados na loita contra a expansión do coronavirus e que seguen a traballar como é o caso de Protección Civil ou os servizos de axuda no fogar para que conten co material de protección que precisan.
Ademais, desde a Xunta realizouse tamén un novo envío de material de protección a 4 residencias e entidades sociais dos concellos da área do Barbanza, concretamente a centros de Boiro, A Pobra do Caramiñal e Ribeira. En total, 3.164 Epis. Enviáronse as residencias e asociacións do Barbanza, 2.200 luvas, 752 máscaras e 212 traxes antisalpicaduras.
Estabilizado o lume de Ribasieira (O Son)
A Consellería do Medio Rural informou de que o incendio forestal rexistrado no concello coruñés do Porto do Son, parroquia de Ribasieira, quedou estabilizado ás 18,15 horas de hoxe. O lume iniciouse ás 14,42 horas de onte e segundo as últimas estimacións provisionais...
