O conserveiro de Ribeira, Ignacio González, doou 7.000 latas a Vilar de Barrio para o seu programa de axuda a familias vulnerables que agora están máis tocadas coa crise que se vive actualmente. Esta doazón sumarase a outras conseguidas polo CDR O Viso e algúns produtores da zona para axudar a 27 familias xa seleccionadas previamente polo departamento de servizos sociais. As reparticións realízanse cada 15 días. Neste municipio está en marcha a creación dunha ONG para canalizar este tipo de accións que o rexedor local, Manuel Conde, remarcou que non lle custan nada ao Concello.
