No marco das actividades programadas para celebrar o 25N, Día para a Erradicación da Violencia Contra as Mulleres, a Concellería de Igualdade de Noia organiza o vindeiro sábado 22 de novembro un Obradoiro de Defensa Persoal para Mulleres.
Trátase, segundo confirmou o Concello, de “promover a autonomía, seguridade e apoderamento das mulleres”.
Estamos ante unha actividade dirixida a mulleres maiores de 16 anos. Será este sábado 22 de novembro de 2025, en horario de mañá e de tarde (10:00 a 14:00 e 16:00 a 19:00), no Casino de Noia.
As inscricións están abertas até o vindeiro 19 de novembro no Centro da Información á Muller de Noia (o CIM). Máis información no teléfono 619 970 846 e na conta cim@concellodenoia.gal. Será unha actividade de balde pero con prazas limitadas (cómpre inscrición).
