O mal tempo (con chuvia e moito vento, dous ingredientes moi axeitados, por outra banda, para celebrar a noite de Defuntos) non puido coa celebración do Claustro do Terror organizado polo Concello de Noia na Casa Consistorial para celebrar coa mocidade a festa do Samaín.
Este venres 31 de novembro, foron máis de 500 as persoas que se achegaron a pasar un rato de medo na dita actividade de lecer.
O Concello agradeceu o traballo, a ilusión e o compromiso de todas as persoas voluntarias que “puxeron o seu tempo e a súa enerxía para montar este espectáculo cheo de sustos, risas e creatividade”!
O Clúster do Terror, que permitiu aos máis atrevidos e atrevidas pasar unha experiencia arrepiante (para maiores de 10 anos), complementouse con música na Amaleda, unha cabina móbil e un paseo de terror polas rúas de Noia.
Previamente, houbo unha festa infantil na Alameda, baixo carpa, a partir das 18.30 horas.
