A concellería de Cultura do Concello de Noia, en colaboración co Taller Alecrín, pon en marcha dous novos obradoiros regulares de baile para persoas adultas que se desenvolverán no Local de Ensaios Prudencio Romo dende novembro de 2025 ata xuño de 2026, dentro do programa Tempada 25-26. Compromiso co Baile. Haberá sesións de linedance (individual), os luns de 20:30 a 21:30; e de baile social (en parella) os luns de 21:30 a 22:30.
O luns 27 de outubro celebrarase unha xornada de portas abertas, cos mesmos horarios, con clases de presentación gratuítas.
Para participar é necesario inscribirse previamente como socio/a na Asociación (cota anual de 25 €) e aboar unha cota mensual de 27 € por obradoiro ou 37 € por ambos.
Información e inscricións: 698 150 432 e tamén na conta de correo talleralecrin@gmail.com
A sesións desenvolveranse no Local de Ensaios Prudencio Romo.
