A Escola Deportiva de Orientación Arnela (asociación deportiva e cultural) achega co novo curso máis formación saudábel para a rapazada centrada na modalidade da orientación: unha actividade que combina a práctica física coa navegación na natureza ou, tamén, en espazos urbanos. A iniciativa vai dirixida a nenas e nenos de máis de sete anos e está adaptada a todos os niveis.
Para coñecer a actividade do ADC Arnela, a entidade celebra este 30 de setembro unha xornada de portas abertas.
Máis información a conta de correo adcarnela@gmail.com e nos teléfonos 650 939 055 / 646 373 657
A un nivel máis concreto, sinalar que a orientación consiste en que cada participante, coa axuda dun mapa e un compás, tense que orientar por camiños descoñecidos ata atopar, nunha orde determinada, os puntos de control que se marcaron sobre o terreo. O reto deberá facerse no menor tempo posíbel. Estes puntos de control poden ser balizas ou estar marcados de forma electrónica e adoitan situarse en zonas de difícil acceso.
