Chega o Samaín máis terrorífico a Noia, O Concello informou que comezou a buscar voluntarias e voluntarios para celebrar ao grande a festa do Samaín, o vindeiro 1 de novembro. Serán benvidas ideas e propostas de todas índole para conseguir “unha festa estarrecedora”. A proposta vai dirixida a “persoas ás que lles guste o lado escuro, as historias arrepiantes e facer que a xente berre de medo”. Para quen queira participar, as inscricións xa están abertas en liña. O obxectivo é superar en pegada, repercusión e participación as anteriores edicións da festa en Noia, xa de por si destacada (adoita incluír música, desfiles e obradoiros de disfraces en varios enclaves do centro histórico).
