Continuaremos este xoves baixo a influencia das altas presións, con circulación do nordés. O tempo será seco e soleado, con néboas matinais no interior e ceos moi despexados en xeral, aínda que pola tarde aparecerá nubosidade de tipo alto no interior.
As temperaturas experimentarán un lixeiro ascenso respecto ás xornadas anteriores(24-26 graos máxima). O vento soprará frouxo de compoñente leste, con intervalos moderados no litoral norte e rachas fortes na zona de Bares. Nas Rías Baixas establecerase un réxime de brisas pola tarde.
O noso mar: Vento do nordés á mañá, do noroeste á tarde e do norte á noite, forza 1 a 2 á mañá, 2 a 3 á tarde e 1 a 3 á noite. Mar rizado á mañá e mar ovellado á tarde e á noite. Visibilidade boa. Mar de fondo do noroeste, con ondas de 0 a 1 metros á mañá e 0.5 a 1 metros á tarde e á noite.
