Proseguen as actividades do programa de dinamización e lecer Baila con Nós 2025. Sen ir máis lonxe, este venres 19 de setembro o Edificio Casino de Noia dará acollida a “unha actividade moi especial” impartida polo Taller Alecrín.
Trátase dunha sesión creativa que comeza ás 20.00 horas e que pon o foco no linedance, “un estilo de baile concibido para quen veña sen parella e queira pasalo ben”, sinalou o Concello, engadindo que as persoas que queiran bailar en compañía teñen ás 21.00 horas unha actividade de baile social na que está previsto que practiquen disciplinas como o swing ou a bachata, pasando polo tango, cha-cha-chá, kizomba, disco e funky. O programa é totalmente de balde, e para participar só temos que facer a inscrición previa chamando ao 698 150 432. Non se precisen coñecementos nin habilidades previas, “só ter ganas de pasalo ben, moverse e compartir un bo rato”.
