O Concello de Rianxo confirmou esta semana que o proxecto de centro de día polo que a cidadanía do municipio leva agardando dende hai anos ten visos de converterse axiña nunha realidade. Este martes 16 de setembro o Consistorio recibiu a resolución da Dirección Xeral do Patrimonio Cultural pola cal autorízanse as obras proxectadas no Pazo de Rianxiño coa finalidade de que acolla o centro de día.
“Así as cousas”, informou nas redes o alcalde, Julián Bustelo, “nas vindeiras semanas levaremos ao Pleno a aprobación deste importante proxecto que conta cun orzamento lixeiramente superior aos 170.000€”.
Prevese que o futuro espazo poida chegar a contar cunhas 45 prazas.
“Trátase dun recurso sociosanitario fundamental para o que vimos traballando dende o primeiro segundo da lexislatura e que cada vez está máis preto”, confirmou o rexedor.
