Proseguen en Porto do Son as Festa do Carme edición 2025, organizadas novamente pola Comisión de Festas de Porto do Son en colaboración co Concello.
A axenda, que achegou este días un amplo e variado programa de actividades (relixiosas, musicais, de lecer, deportivas), pon o foco este xoves 11 de setembro, último día de celebracións, na rapazada. Sobre todo pola tarde: ás 17.00 horas haberá xogos para a cativada no xardín portuario (en caso de choiva ou humidade no terreo as actividades trasladaranse ao Pavillón de Santa Irene, na propia vila de Porto do Son).
As festas rematarán estes xoves 11 de setembro, o día da Caridade. Logo das dianas e alboradas co grupo de gaitas Canlebó haberá misa solemne na igrexa parroquial e posterior procesión acompañada pola Banda de Música de Caamaño. Ás 17.00 horas haberá actividades para a rapazada no xardín do porto: os inchábeis de Tikolandia e unha festa da escuma. Pola noite será a quenda da verbena coas orquestras París de Noia e Triunfo, máis a cabina de Discomóbil Chocolate. A partir das 0.00 horas tiraranse os fotos de artificio e a continuación haberá ruada e festa da auga coa Charanga Os Celtas.
