Volven, co inicio do novo curso as rutas organizadas polo Concello de Outes para dar a coñecer entre veciños e visitantes os seus importantes tesouros paisaxísticos, ambientais e patrimoniais, desenvolvidas baixo o epígrafe Coñece o noso patrimonio.
As rutas de outono comezan o vindeiro 7 de setembro co Paseo polo mar e monte en San Cosme, con saída ás 9.00 horas dende a Igrexa de San Cosme de Outeiro e con 9 quilómetros de percorrido. Proseguen o domingo 21 coa Visita ás capelas e castro de Santo Ourente, con saída ás 9.00 horas da igrexa parroquial e con distancia de 8 quilómetros.
A terceira ruta deste outono será De San Tirso á Catedral da Electricidade, o domingo 5 de outubro. A saída será ás 9.00 horas dende a igrexa parroquial de San Tirso de Cando, cun percorrido de 8 quilómetros. O ciclo rematará o domingo 19 de outubro co roteiro A Santa Lucía por Entíns, con saída ás 9.00 horas dende a igrexa parroquial de Santa María de Entíns e cunha distancia de 8,5.
Todas as andainas serán de dificultade media. Recoméndase levar calzado axeitado e auga. As prazas son limitadas: 50 por roteiro. As inscricións son obrigatorias. Abrirón o luns previo a cada andaina e para inscribirse hai que cubrir o formulario que atoparemos escaneando o código QR do cartel ou na páxina web municipal.
