Este venres, 29 de agosto, temos unha cita coa a arte e a enoloxía no local ULA Libraría Social da Serra de Outes.
Maitane Vicente, a responsábel da libraría da Serra, propón para rematar o verán unha cata de viños galegos, unha Cata Creativa, “mentres pintamos ao óleo o que nos inspira”. Será, sinala Maitane, un bo xeito de dar a benvida ao curso escolar, que xa se albisca ao lonxe.
A cita será ás 12.00 horas deste venres 29 de agosto. O prezo será de 35 euros, todo incluído.
As persoas interesadas en participar deberán achegar os seus datos ao correo info@ulalibrariasocial.com.
