A praia das Gaivotas en Porto do Son vai acoller o vindeiro 15 de agosto a quinta edición do Memoria Magic Mouris, en palabras da organización, “un dos eventos deportivos máis especiais na comarca”.
Novamente virá con formato de proba 3×3 de voleibol (categorías amateur e infantil con até 5 persoas por equipo). Haberá unha fase de grupos máis unha xeira de cruces (ouro, prata e bronce).
O obxectivo do Memorial é render homenaxe á figura de Agustín Mourís Hermo, deportista noiés falecido en 2017 e lenda do voleibol do deporte estatal e galego, da nosa comarca e, por suposto, da praia das Gaivotas, estreitamente ligada á súa traxectoria.
Colaboran o Club Voleibol Ribeira, o Concello Porto do Son e a Federación Galega de Voleibol.
