A histórica agrupación Teatro Airiños, con sede en Asados (Rianxo) organiza este sábado 31 de maio a partir das 19.00 unha Mesa de Creadoras, abeirada ao programa de actividades culturais Veladas de Primavera 2025, impulsada pola agrupación. A cita será no Centro Social Atalaia, nas Escolas Vellas de Asados Participarán o drag king Nico Elsker, a artesá e zoqueira Elena Ferro (Eferro), o muralista Nove Noel, e, representando a vertente máis innovadora da música tradicional galega, Mercedes Peón e Mónica de Nut. A Mesa de Creadoras é un coloquio organizado por Teatro Airiños dentro da programación cultural das Veladas de Primavera 2025. Coa colaboración do Concello de Rianxo e a Deputación da Coruña.
