O Concello de Boiro levará a cabo a rehabilitación integral do auditorio da Casa da Cultura, unha actuación que contará cun investimento de 3,8 millóns de euros financiados polo Goberno do Estado a través dos fondos do Programa de Impulso á Rehabilitación de Edificios Públicos (PIREP).
O proxecto contempla a ampliación do auditorio, que pasará a dispoñer de 535 prazas, así como a renovación integral da biblioteca, que incluirá unha sala de estudo e unha ludoteca. Tamén se reformará a área administrativa do inmoble.
A actuación ten como obxectivos principais garantir a accesibilidade universal e mellorar a eficiencia enerxética do edificio, modernizando así un espazo clave para a vida cultural e social de Boiro.
