Non houbo feridos, e instaláronse barreiras anticontaminación para controlar a vertedura de combustible
Esta mañá, arredor das sete, afundiu no porto de Ribeira o pesqueiro Illas Cíes, unha embarcación de dez metros de eslora. Afortunadamente, non houbo feridos no incidente.
As autoridades activaron un operativo para minimizar o impacto ambiental, instalando barreiras anticontaminación co obxectivo de conter a vertedura de combustible procedente do barco.
Por agora, descoñécense as causas do afundimento. Espérase que ao longo da mañá o Illas Cíes poida ser remolcado.
