O Concello de Outes fixo balance do aforro enerxético para as arcas municipais e para a cidadanía acadado nos últimos meses grazas á substitución en 2022 das luminarias do alumeado público por unhas novas de tecnoloxía LED e, tamén, pola licitación do servizo subministro eléctrico, por primeira vez, cun contrato que entrou en vigor en marzo de 2024.
“Grazas a isto conseguiuse un aforro económico que na actualidade ascende a 140.000 € anuais, pero que se agarda que sexa superior nos vindeiros meses”, informou o Concello, engadindo que o incremento de consumo en KWH que se aprecia a partir de xaneiro de 2023 “débese á posta en funcionamento da EDAR da Serra de Outes, que levaba varios anos sen funcionar”. O Goberno local sinalou tamén que ten previsto a instalación de placas fotovoltaicas que reducirán de xeito “moi sensíbel” o consumo enerxético da EDAR.
