O bus teatral do CDG achega saídas dende Rianxo e Ribeira para asistir en Santiago ao espectáculo inclusivo “Nada se sabe”

16 Xaneiro 2025

Os Concello de Rianxo e Ribeira participan no programa de mobilidade do Centro Dramático Galego para asistir en Santiago, no Salón Teatro da rúa Nova, á obra Nada se sabe, un espectáculo pioneiro arredor da inclusión.

A cita para a cidadanía de Rianxo será o 8 de febreiro e o prezo de cinco euros. A saída de autobús será ás 15.45 horas dende o Auditorio Municipal. As persoas interesadas en desprazarse até Compostela para asistir á función terán que formalizar a súa inscrición no 981 100 688 ou a través da conta de correo cultura@concelloderianxo.gal.

A cita para Ribeira será este 22 de xaneiro, mércores, con saída fixada ás 15.30 horas, sendo o custe de 5 € por persoa. As reservas deben facerse no teléfono 981835650 (de luns a venres de 9 a 14 h) ou na conta normalizacion@ribeira.gal.

Ensaio da obra de teatro nunha imaxe de Rocío Cibes

Nada se sabe constitúe a primeira obra de teatro inclusiva, impulsada polo Centro Dramático Galego xunto coa cooperativa Culturactiva. Conta coa presenza de catro intérpretes con discapacidade cuestionando sobre o escenario a inclusión e a xestión da diferencia que facemos como sociedade. Esta é a premisa da que parte Nada se sabe, unha coprodución teatral do Centro Dramático Galego e Culturactiva Producións, dirixida por Ignacio García e Fran Rei, con texto orixinal de Manuel Lourenzo.

Nas súas palabras, estamos ante “unha proposta integradora no contexto teatral galego, polo tema e o elenco, pola delicada selección musical, pola mestura de linguaxes e por estar formulada como un reto dirixido á audiencia, formulado como dúbida metódica que lle dá nome ao espectáculo”. A función conta con servizos de accesibilidade  de diferentes tipos: visita táctil previa á función, destinada a que as persoas invidentes fagan un percorrido polos elementos físico do espectáculo, isto é, escenografía, vestiario e elenco; un servizo de audiodescrición tamén para invidentes, e interpretación en Lingua de Signos durante a función.

Público de máis de 40 concellos
Coma en anteriores producións da compañía pública, con Nada se sabe estará operativa a campaña de mobilidade Sobes ao autobús do teatro?, que nestes momentos xa ten programados 23 buses gratuítos con parada en máis de 40 concellos galegos para facilitarlle o desprazamento a Santiago ao público de toda Galicia, incluído o desprazamento dende Barbanza.

Para estas representacións no Salón Teatro, habilitáronse diferentes sistemas de accesibilidade para o público, como interpretación en lingua de signos en todos os pases, programa de lectura fácil ou audiodescrición para os espectadores que a soliciten previamente no despacho de billetes e dispoñan de auriculares propios.

Así mesmo, unha hora antes das funcións dos sábados e domingos terá lugar unha visita táctil para aquelas persoas con discapacidade visual que desexen experimentar un percorrido polos elementos físicos do espectáculo, mentres que ao rematar o pase dos venres o público terá a oportunidade de participar nun coloquio co equipo.

Outros artigos

Publicidade

Revista en papel

Opinión

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.