Chegou a conducir, ata en catro ocasiones, a 120 quilómetros por hora en vías urbanas limitadas a 30. O arrestado non ten carné de conducir e nas gravacións non levaba posto o cinto de seguridade.
A Policía de Vilagarcía de Arousa detivo a un mozo tras identificalo como o autor de varios vídeos difundidos en redes sociais nos que se lle vía circulando de maneira temeraria. As gravacións, que se fixeron virales, mostraban manobras perigosas realizadas a alta velocidade e poñendo en grave risco tanto a outros condutores como a peóns.
Nos vídeos aparece conducindo a gran velocidade por vías urbanas e rurais, realizando adiantamentos prohibidos e manobras de risco extremo. A difusión destas imaxes en redes sociais espertou unha gran alarma social, o que motivou numerosas denuncias cidadás que alertaron ás autoridades.
Tras recibir as denuncias, a Policía Local abriu unha investigación para identificar o autor dos feitos. Grazas á análise das imaxes publicadas e á colaboración cidadá, os axentes lograron localizar ao novo e proceder á súa detención.
O detido enfronta cargos por condución temeraria a imposición dunha elevada multa e mesmo penas de prisión, dependendo da gravidade dos feitos e de se había risco evidente para a vida de terceiros.
