O Concello de Ribeira remata a mellora da estrada Laxes-Mamoa

16 Decembro 2024

Proseguen en Ribeira os traballos impulsados polo Concello para a mellora mellora dos camiños do rural que están deteriorados. A semana pasada remataron os traballos de mellora da estrada que hai no lugar de Laxes, en Carreira.

O camiño principal, que une a Mámoa con Laxes, dispoñía dun pavimento de aglomerado con irregularidades causadas polas raíces das árbores situadas nas marxes, sendo necesario retirar ditas raíces antes de estender unha nova capa de asfalto. Ademais, os outros dous ramais presentaban un firme asfáltico con abundantes disgregacións e fochancas que era preciso regularizar antes de estender a nova capa de aglomerado en quente, igual que no camiño principal.

Ademais, traballouse na preparación do camiño, limpeza, escavación, explanación, desherbado, retirada de terra vexetal, rasanteo e compactado. No lugar aplicouse unha subbase de grixo e estendido dunha capa de aglomerado en quente de 5 cm. espesor, mesmo compactado e regra de adherencia.

Segundo informou o rexedor, Luís Pérez Barral, para esta actuación o Concello de Ribeira conseguiu unha subvención da Axencia Galega de Desenvolvemento Rural, dentro do Plan de mellora de camiños municipais de acceso a parcelas agrícolas 2024-2025.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.