O arcebispo de Santiago visita o comedor social de Cáritas Arousa

02 Decembro 2024


O perfil maioritario dos que acoden ao comedor é un home de entre 35 e 65 anos. O prelado compartiu xantar cos usuarios.

O arcebispo de Santiago, monseñor Francisco José Prieto Fernández, visitou as instalacións do comedor social de Cáritas Interparroquial de Arousa,
onde departiu cos usuarios que naqueles momentos permanecían nas dependencias e cos que compartiu unha comida. No centro foi
recibido pola directora da entidade, Mar Viqueira Villaverde e o equipo de técnicos e voluntarios que prestan servizos nos distintos departamentos.
O prelado compostelán estivo acompañado por Santiago Fernández González e Pilar Farjas Abadía, delegado episcopal e directora diocesana,
respectivamente. Monseñor Prieto Fernández díxolles aos usuarios que a entidade estaba para axudarlles en todo o que precisen.
O prelado está a realizar distintos percorridos diocesanos por centros, albergues, residencias e comedores, nos que Cáritas desenvolve os seus
programas de atención destinados ás persoas necesitadas. A de onte era unha visita programada con motivo da Campaña de Persoas sen Hogar e
que tivo que ser aprazada no seu día por cuestións de axenda do arcebispo compostelán
Perfil do usuario
O perfil maioritario das persoas que acoden ao comedor social de Cáritas Arousa é un home de entre 35 e 65 anos, de nacionalidade española. No
centro foron atendidas 341persoas das que o 19% eran mulleres.
Durante o encontro mencionáronse algúns datos relacionados coa atención levada a cabo no comedor social: Media diaria de persoas atendiudas
35-40, as fins de semana 55-60, e comidas servidas entre xaneiro a novembro, 13.928.
Ao longo deste ano o centro dinamizouse con múltiples actividades e servizos como foron os cursos de formación e emprego, as xornadas técnicas
e os encontros informativos.
É moi significativa a colaboración do voluntariado vinculado a Cáritas destacando o incremento de mozos en todos os servizos

Outros artigos

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.