O Concello de Ribeira reforza o seu compromiso co sector social local

29 Novembro 2024

O Concello de Ribeira, a través do alcalde de Ribeira, Luís Pérez Barral e o segundo tenente de alcalde, Vicente Mariño, asinou este venres 29 de novembro cadanseu convenio de colaboración con diversas entidades sociais do municipio, unhas alianzas abeiradas ao compromiso do Goberno local co benestar da cidadanía. Barral e Mariño explicaron que “grazas a un esforzo orzamentario notábel, as axudas municipais acadan a un maior número de organizacións, permitindo que estas desenvolvan iniciativas fundamentais para o tecido social de Ribeira”.

Sinalaron que desta volta destinaranse máis de 40.000 euros a 12 entidades locais, que desempeñan un labor esencial en áreas como o apoio a persoas maiores, a inclusión, a atención a colectivos en risco e a promoción cultural e educativa. As entidades beneficiarias son: Ambar, Amicos, A Creba, Faiben, Caritas, Cruz Vermella, Renacer, ICE Renovación, Asociación Española contra o Cancro, Asociación Galega para o Acompañamento Persoal e Educativo, Liceo Marítimo e os clubs de xubilados.

O alcalde destacou que “estas axudas son esenciais para que as entidades poidan continuar desenvolvendo actividades que beneficien directamente á poboación” en engadiu que “desde este Goberno entendemos que o fortalecemento do tecido social é clave para o desenvolvemento de Ribeira. Por iso, incrementamos os recursos destinados a este sector, logrando chegar a máis organizacións e, en consecuencia, a máis persoas que necesitan apoio”, declarou Pérez Barral.

Dende o Executivo municipal destacaron que neste ano 2024, grazas ao traballo feito dende Economía e Facenda conseguiuse aumentar a partida destinada a apoiar as entidades deportivas, sociais, culturais, educativas, así como a eventos deportivos, culturais, festivos e económicos acadando a cifra de 850.400 euros.

Por último, o tenente de alcalde e concelleiro de Servizos Sociais, Vicente Mariño declarou, “como tódolos anos cumprimos, o ano pasado houbo un certo atraso por mor dos orzamentos, este ano estamos en data e seguimos cumprindo. Tentaremos mellorar as axudas nos vindeiros orzamentos porque sen a colaboración destas entidades sociais; Ribeira se resentiría”. Para finalizar agradeceu dende o Goberno Municipal “a colaboración e o traballo diario que están desenvolvendo cada unha das organizacións que acaban de asinar o convenio”.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.