Os bombeiros de Boiro evacúan a unha persoa con mobilidade reducida en Noia

10 Novembro 2024

Os bombeiros do parque Provincial de Boiro acudían ao mediodía de hoxe a unha chamada do CIAE 112 Galicia para colaborar na evacuación dunha persoa con mobilidade reducida na rúa Fray Lois Rodríguez no Concello de Noia.

O persoal sanitario precisou a colaboración dos bombeiros provinciais para proceder ao traslado do doente ata a ambulancia.

A persoa, que estaba a ser atendida polo persoal médico do PAC de Noia e do 061 no 4.º andar da vivenda, precisaba ser evacuada cunha padiola de rescate ao ter a súa mobilidade reducida.

Para proceder á evacuación houbo que desmontar unha porta e desprazar mobiliario para facer espazo e que puidera pasar a padiola. Unha vez inmobilizado, evacuouse ao doente polas escaleiras comunitarias ata a ambulancia.

Colaboraron na evacuación desta persoa tres bombeiros, dúas persoas do GES de Noia, tres persoas da ambulancia do 061 e unha da policía local. 

Outros artigos

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.