A Sin Son 10K será novamente o gran evento deportivo do Nadal en Galicia

06 Novembro 2024

A carreira Sin Son 10K, unha das grandes probas deportivas galegas e estatais de cada remate de ano, xa comeza a facer ruído nas redes e fóra delas, convocando deportistas e seareiros para unha cita que este ano celebrarase o domingo 22 de decembro, en pleno Nadal, e na que o Concello de Porto do Son (organizador) volverá achegar recursos para acadar a máxima repercusión e a mellor organización posíbel.

A actividade celebrarase o domingo 22 de decembro pola mañá (a partir das 11h), coa tradicional proba específica para a rapazada no día previo (a partir das 17.00 horas), en ámbolos casos coa vila de Portosín como punto de saída. A carreira absoluta, que ten un límite de 1.500 participantes, disputarase sobre unha distancia de 10 quilómetros entre Portosín e Porto do Son. Estará supervisada baixo o control técnico do Comité Galego de Xuíces da Federación Galega de Atletismo.

As carreiras escolares, previstas para o sábado 21 en Portosín, serán de balde e teñen un límite de 500 participantes.

O evento incluirase no calendario oficial de probas da Federación Galega de Atletismo. Temos toda a información necesaria na web da proba e no Facebook da Sin Son 10K.

As inscricións poden facerse na páxina de Emesports até o 16 de decembro.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.