O Laboratorio Ecosocial do Barbanza convoca unha nova xornada de voluntariado ambiental en Froxán (Lousame, A Coruña), que dará comezo ás 10:00 h da mañá do sábado 9 de novembro. Durante esta actividade, eliminaranse eucaliptos e, posteriormente, realizase unha visita ambiental ao monte. Para finalizar, ofrecerase xantar de albaroque ás persoas participantes.
A xornada está coordinada por Fundación Montescola, entidade a cargo das actividades de prospectiva comunitaria, voluntariado e educación medioambiental do Laboratorio Ecosocial do Barbanza. Con estas actuacións, búscase sensibilizar a cidadanía na recuperación da biodiversidade e a prevención de lumes forestais de forma colaborativa.
Esta actividade está aberta á participación de todos os públicos e ideades. Aquelas persoas interesadas deberán inscribirse previamente enviando un correo electrónico a info@montescola.org ata o xoves 7 de novembro inclusive.
O Laboratorio Ecosocial do Barbanza conta co apoio da Fundación Biodiversidad do Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU.
Máis información a través do correo electrónico info@barbanzaecosocial.org ou no 722 413 315.
