Adrián Mosquera acadou o segundo posto da final B dos Xogos de París

09 Setembro 2024
Adrián Mosquera nos Xogos de París 2024 nunha imaxe de Mikael Helsing / CPE.

Finalmente o padexeiro rianxeiro Adrián Mosquera acadou o 10 posto na súa segunda participación nuns Xogos Paralímpicos, os de París 2024, na modalidade paracanoe VL3 200.

Adrián concluíu a semifinal cun tempo de 50”74, o que non lle deu o paso para a final A. Porén, na final B logrou un máis que destacado segundo posto, cun tempo de 52”54, por detrás do arxentino Emilio Atamanuk e por diante do italiano Mirko Nicoli.

Dende o Concello de Rianxo celebraron este fito deportivo cualificándoo de “imaxe histórica” e de “fazaña que ningún rianxeiro conseguira antes, e que converte Mosquera nun referente do noso deporte”.

Mosquera converteuse hai tres anos no primeiro piragüista galego na historia en disputar uns Xogos Paralímpicos, os de Tokio, onde foi terceiro na final B. O deportista rianxeiro é un modelo de superación vital e deportiva. Lembrar que á idade de 12 anos sufriu un atropelo cando se dirixía a Rianxo para adestrar, o que provocou que os médicos tiveran que amputarlle a perna por enriba do xeonllo. Exemplo de resistencia, Adrián volveu un tempo despois ao deporte cunha prótese que lle permitiu converterse no referente remeiro de Galicia e España que é na actualidade. Este mes e xullo celebrou o seu 28 aniversario.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.