Titiriberia continúa este martes en Rianxo con cinco funcións de compañías galegas, vascas e madrileñas

12 Agosto 2024

O Titiriberia: Festival de títeres tradicionais, organizado pola asociación Morreu o Demo co apoio do Concello de Rianxo, a Xunta de Galicia e a Deputación da Coruña, celebra en Rianxo a súa novena edición até o domingo 18 de agosto. O programa para este martes inclúe cinco funcións, entre elas dúas estreas, e a posta en marcha da Feira Vella.
Ás 11 horas, arrincará a actividade este martes coa compañía Ostomila Títeres. Esta formación vasca-nicaraguana actuará en Campo Maneiro, Taragoña, coa súa obra Las aventuras del coyote y el conejo. A obra mestura dúas divertidas historias tradicionais nicaraguanas dramatizadas mediante o teatro tradicional de monicreques. Trátase dun proxecto de artes escénicas que fusiona bonecos, música e narración oral para afondar na identidade e mais nos nexos de unión entre diferentes culturas.


Na Feira Vella
A partir das 12.00, e até ás 14.00 horas e dende as 20.00 ás 22.00 horas , celebraranse as primeiras sesións de Xogos na Feira vella da man de Viravolta e Pedras de Papel. Con este espazo, situado no Campo de Arriba, Titiriberia propón a recreación dunha feira tradicional na vila de Rianxo. Esta combinación de exhibición, elementos interactivos e propostas escénicas, xunto cunha colección de antigos xogos e atraccións de feira tradicionais, instalarase no Campo de Arriba. Entretementos de puntaría como a ra e o pimpampún ou un teatriño con títeres estarán a disposición do público para uso libre. A Feira vella ademais acolle unha exposición de fotografías de títeres do fotógrafo arousán Manuel Silva Bisgue.
Tamén entre as 12 e as 14 horas, a Feira vella de Titiriberia acollerá a actuación do histórico Grupo de Teatro Airiños, que porá en escena números breves onde representarán debates e sucedidos propios das feiras de antano. Trátase dunha estrea en coprodución co festival que se titula Os casos da feira vella.
Tamén aló, no Campo de Arriba, e no mesmo horario, a compañía galega Xirapaus ofrecerá Kinekito. Esta iniciativa bebe de dúas fontes artesás para crear unha serie de autómatas pensados a recuperar un oficio ben antigo e moi relacionado co mundo das marionetas. O titiriteiro Ero Vázquez, de Teatro Marionetas Trécola, e mais o xogueteiro Manuel Taboada Fernández, de A Chintofanería, unen os seus coñecementos e vivencias nunha experiencia que combina a exposición das súas creacións cunha explicación ilustrada e dramatizada destes aparellos, complementada con contos e interaccións co público.
Espectáculo itinerante e Auditorio
A programación do martes tamén inclúe a estrea De como chegou a Rianxo unha balea, obra de Os Quinquilláns e Vai de Roda que adapta un relato de Rafael Dieste. A peza sairá do Campo de Arriba ás 20.30 e irá até o Auditorio de Rianxo. Precisamente, no Auditorio, rematará a xornada con Un hilo me liga a vos, obra da compañía madrileña La Tartana que poderemos ver ás 21.30 horas. Esta obra  tece unha arañeira para mergullar o público máis novo no apaixonante mundo dos mitos gregos. Para a aplacar as iras de Zeus, as moiras contarannos as historias de Teseo e o Minotauro, Ícaro e Dédalo e Aracne e Atenea. La Tartana chega a Rianxo grazas ao apoio do Instituto Nacional de Artes Escénicas y de la Música (INAEM).

Outros artigos

Rianxo e A Estrada xa son oficialmente concellos irmáns

Este luns 19 de outubro formalizouse finalmente a sinatura do protocolo de irmandamento entre os concellos da Estrada e Rianxo, historicamente unidos polas figuras de Virxinia Pereira Renda (A Estrada) e Alfonso Daniel Rodríguez Castelao (Rianxo). A fraternidade...

+

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.