Os seis sobreviventes españois do ‘Argos Georgia’ están listos para regresar a casa tras prestar declaración este venres. Os corpos dos dous galegos falecidos no naufraxio serán trasladados ao Reino Unido.
Un avión militar, fretado polo Ministerio de Defensa, chegou o venres ás illas Malvinas para a repatriación. O Goberno está preparando o itinerario de regreso.
Está previsto que os catro galegos sobreviventes: José Saborido, Ramón Hombre, Ramón García e Francisco Gondar, sexan deixados en Santiago de Compostela. Amparo Burguillos e Pere Hernández, viaxarán a Madrid.
Os corpos de César Acevedo e Santiago Leyenda serán trasladados a Oxfordshire, para as autopsias, conforme aos protocolos británicos.
Mentres continúa a busca dos catro desaparecidos, dous deles galegos: Juan Antonio García Rey e Antonio Barreiro. O pesqueiro, con 27 tripulantes de diversas nacionalidades, naufragou o luns deixando nove mortos e catorce sobreviventes.
