Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co concerto, a partir das 22.30 horas, da Charleston Big Band e da Panama Band. O sábado proseguen o RianClown a partir das 12.00 e coa misa na honra de San Cristóbal e a tradicional procesión. Ás 13 haberá concerto da Banda de Música da Estrada no Campo de Arriba e pola noite actúan Platinum e Saudade.
