A Casa da Cultura de Porto do Son acolle este venres 21 de xuño a inauguración da exposición fotográfica e audiovisual Invisibles, belezas diversas e sen filtros de mulleres usuarias da residencia DomusVi de Bóveda. A entrada será libre. A mostra estará no dito recinto até o 12 de xullo. A proposta vén da man de Carmen Vázquez Fernández (educadora social) e Carolina Cotón Díaz (fotógrafa). Organiza o Concello de Porto do Son.
A mostra Invisibles foi realizada por 14 usuarias da residencia para persoas con discapacidades xestionada por DomusVi en Bóveda, na provincia de Lugo. Nas imaxes as mulleres mostran toda a súa beleza, sen barreiras nin filtros. A exposición reivindica e visibiliza ás mulleres con discapacidade que viven nos centros residenciais, grandes esquecidas e invisíbeis.
