Rematadas as obras da nova glorieta da Barquiña e da mellora da travesía na AC-550 ata a Alameda de Noia

13 Xuño 2024

Executouse unha nova glorieta, con calzada de carril único de 6 metros e con beiravías, e cun deseño que ten en conta a presenza de numerosas vivendas na súa contorna. A conselleira de Vivenda e Planificación de Infraestruturas, María Martínez Allegue, supervisou hoxe esta intervención en Noia.

A Xunta rematou, cun investimento de máis de 1,15M€, as obras da nova glorieta no cruce da Barquiña e da mellora da travesía na AC-550 ata a alameda de Noia.

A conselleira de Vivenda e Planificación de Infraestruturas, María Martínez Allegue, supervisou hoxe esta intervención en Noia.

Destacou que se habilitou unha nova glorieta de 26 metros de diámetro, cunha illa interior de 2 metros, calzada de carril único de 6 metros e beiravía interior e exterior.

Sinalou que a nova rotonda mellora as condicións de seguridade do cruce da Barquiña e favorece os movementos e xiros dos vehículos. Ademais, acondicionáronse os ramais de acceso á glorieta e renovouse o capa de rodaxe.

A intervención tamén comprendeu a mellora dun treito da estrada AC-550 ao longo de 1,3 km, entre a glorieta e a alameda de Noia, ademais da renovación da capa de rodaxe da travesía e a redistribución do ancho da estrada, habilitando un itinerario peonil accesible nunha das marxes.

A actuación tamén incluíu a renovación de beirarrúas e supuxo a reorganización da sección transversal da estrada, na que antes da intervención localizábase un aparcadoiro, insuficiente en ambas as marxes, que provocaba que os vehículos subiran á beirarrúa e a deteriorasen.

Finalmente, á espera dalgúns remates das compañías subministradoras de electricidade e telecomunicacións, os traballos completáronse coa instalación de balizamento e sinalización horizontal e vertical.

A conselleira lembrou que a Xunta continúa avanzando na mellora das estradas, tendo mobilizado un investimento de 14,4M€ na estratexia de eliminación de treitos de concentración de accidentes, que permitiu diminuír nun 60% a sinistralidade rexistrada en 50 quilómetros de puntos negros na rede autonómica de estradas.

Outros artigos

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.