A Asociación de Empresarios de Ribeira vai celebrar esta fin de seman a quinta edición da Feira do Automóbil Híbrido e Eléctrico (vehículo novo, quilómetro 0 e xerencia). Celebrarase na praza de España de Santa Uxía os días 14,15 e 16 de xuño. O horario será de 11.00 a 20.00 horas os tres días. A entrada é de balde.
Nesta edición da campaña a patronal vai sortear 600€ en tarxetas regalo para gastar entre os concesionarios participantes entre todos os tíckets de compra dos establecementos asociados que se suban á web da asociación (www.empresariosriveira.com) e estean selados na Feira do Automóbil.
A maiores, vaise sortear unha “fin de semana eléctrica”, un sorteo dunha fin de semana cun vehículo eléctrico.
Trátase dunha actividade financiada pola Xunta, a Deputación da Coruña, o Concello de Ribeira e a propia Asociación de Empresarios. Participan as seguintes marcas: Opel, Jeep, Fiat, Citroën, Peugeot, Audi, BMW, Toyota (Compostela Móvil), Lexus, Mercedes, Kia, Skoda, Ford e Hyundai.
