O Parque Periurbano de Ribeira vai acoller este sábado 25 de maio un espectáculo de narracións orais a cargo do contador, escritor e activista ambiental Anxo Moure. Trátase de Zapatiños de cartón e a carta dos bosques, unha narración oral para toda a familia á sombra das árbores máis grandes de San Roque, en Ribeira. Será ás 12.00 horas, con punto de reunión na zona do estacionamento.
Trátase dunha sesión de contacontos na que un fabricante de zapatos da vella fábrica de Montealegre chega á biblioteca para camiñar con zapatos de cartón polos contos e as historias na procura da carta dos bosques para coidar a terra.
Dirixido a público infantil de idades entre 3 e 8 anos.
As inscricións cómpre facelas a través de normalizacion@ribeira.gal.
