A praza de España de Porto do Son e a súa contorna vai acoller o vindeiro 1 de xuño un encontro de artesáns con todo tipo de actividades participativas e creativas arredor da artesanía para maiores e tamén para pequenas/os. O evento ARTE-SON, da Asociación Sonora, desenvolverase en horario de mañá (de 11 a 14h) e de tarde (de 17 a 20 horas). A cita rematará cun colofón musical cunha actuación en directo. O programa inclúe unha mostra de artesanía local, música en directo, obradoiros para adultos e cativos e unha sesión vermú.
