Accidente de tráfico na AC-550 ao seu paso pola parroquia de Miñortos, en Porto do Son

20 Maio 2024
Consorcio Provincial Contraincendios e Salvamento A Coruña

Os bombeiros do parque comarcal provincial de Ribeira foron alertados ao redor das 18:15 horas de onte, domingo 19 de maio, dunha saída de vía á altura do punto quilométrico 81,5 da estrada AC-550, á altura da parroquia de Miñortos, no concello de Porto do Son.

A incidencia foi ocasionada por un vehículo que saíu da vía, batendo contra un poste eléctrico. O coche estaba ocupado por tres ocupantes e ningún deles precisou ser liberado do interior.

O poste e os cables atopábanse fora da vía polo que non supoñían ningún risco para o tráfico rodado. O operativo consistiu na recollida das partes do vehículo desprendidas no accidente e no corte das varillas do poste, por petición da empresa responsable do alumeado público.

No operativo tamén participaron o 061 de Noia, a Garda Civil de Santiago e voluntariado de Protección Civil de Porto do Son.

Consorcio Provincial Contraincendios e Salvamento A Coruña

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.