O Concello de Boiro vén de confirmar que por mor das previsións meteorolóxicas adversas, o Maio Vintage Market previsto para este sábado queda aprazado ata o vindeiro sábado 11 de maio.
A cita estaba prevista para este día 4, durante toda a xornada, na céntrica rúa peonil.
O evento vén da man da Asociación Creaturas e o Concello de Boiro. Nesta edición estaba previsto que participasen 76 postos, entre os que se atopan artesáns e tamén entidades como Unión de Muchachas, AMBAR, A Creba, Turbina, AGADEA, Cruz Vermella, Asociación Española Contra o Cancro e Boas Novas.
Malia o cambio de data, a nova edición do mercado cultural e artesanal Maio Vintage Market mantén o seu programa de actividades para converter Boiro nun referente en artesanía, deseño, moda, ilustración e actividades culturais na rúa.
A temática desta onceava edición serán os anos 80.
