Este xoves 11 de abril, a casa Museo Valle Inclán, na Pobra do Caramiñal, será marco da entrega da Copa de Galicia de Cruceiros ao Club Náutico Arousa Norte por parte da Real Federación Galega de Vela e que quedará en depósito nas vitrinas do concello pobrense.
Este éxito deportivo débese aos triunfos obtidos en regata por parte dos barcos que navegan baixo a grímpola do Náutico Arousa Norte como son Thor II, Chispetrén Alpha e, principalmente, Cámping Ría de Arousa.
Precisamente, o armador e patrón do Cámping Ría de Arousa, José Manuel Pombar, será obxecto dun acto homenaxe en recoñecemento a unha traxectoria deportiva de máis de 30 anos.
