O Concello de Dodro organiza esta tempada (na recta final do inverno e nos comezos da primavera) unha serie de percorridos de sendeirismo ao abeiro do itinerario xacobeo de Arousa Norte: o Camiño A Orixe. Trátase dunha camiñada dirixida a poboación que queira realizar o camiño entre o Faro de Corrubedo e Padrón. O roteiro estará dividido en 6 etapas que se realizarían os días 9, 16 e 23 de marzo e 13, 20 e 27 de abril.
Hai un total de 50 prazas e o mínimo a cubrir para que se leve a cabo é de 25.
As persoas interesadas poden resolver ás dúbidas e formalizar a inscrición no Departamento de Deportes do Concello de Dodro, 981802532 ou deportes@dodro.gal.
Esta iniciativa conta coa colaboración da Deputación da Coruña, a Asociación de Amigos do Camiño de Santiago do Barbanza A Orixe e o concello de Dodro.
